Thursday, January 14, 2010

ഗാര്‍ലിക്ക്‌ ബ്രഡ്ഡ്‌


ആവശ്യമുള്ള സാധനങ്ങള്‍
ബ്രഡ്ഡ്‌
ബട്ടര്‍
ചീസ്‌
വെളുത്തുള്ളി
ഉപ്പ്‌
കുരുമുളക്‌
തയ്യാറാക്കുന്ന വിധം
ഒരു പാത്രത്തില്‍ ബട്ടര്‍ ,ചീസ്‌,വെളുത്തുള്ളി,ഉപ്പ്‌,കുരുമുളക്‌ എന്നിവ ചേര്‍ത്ത്‌ നന്നായി മിക്സ്‌ ചെയ്യുക.
ഈ പേസ്റ്റ്‌ ബ്രഡ്ഡിന്റെ ഒരു വശത്ത്‌ പുരട്ടി ഇത്‌ ഒരു ഫ്രൈ പാനില്‍ അല്‍പ്പം ബട്ടര്‍ പുരട്ടി തിരിച്ചും മറിച്ചും ഇട്ട്‌ മൊരിച്ച്‌ എടുക്കുക.

Wednesday, November 25, 2009

ചൈനീസ്‌ ചില്ലി ചിക്കന്‍

ആവശ്യമുല്ല സാധനങ്ങള്‍
ചിക്കന്‍ എല്ല്‌ ഇല്ലാത്തത്‌-500 ഗ്രാം
ഇഞ്ചി അരച്ചത്‌ -3 ടേബിള്‍ സ്പൂണ്‍
വെളുത്തുള്ളി അരച്ചത്‌-3 ടേബിള്‍ സ്പൂണ്‍
കുരുമുളക്‌ പൊടി -2 ടേബിള്‍ സ്പൂണ്‍
വിനാഗിരി -2 ടേബിള്‍ സ്പൂണ്‍
ഉപ്പ്‌ -പാകത്തിന്‌
സവാള -1 വലുത്‌
കാപ്സിക്കം -1 ചെറുത്‌
ടൊമാടോ സോസ്‌ -2 ടേബിള്‍ സ്പൂണ്‍
സോയാ സോസ്‌ -2 ടേബിള്‍ സ്പൂണ്‍
കോണ്‍ഫ്ലവര്‍ - 1 ടേബിള്‍ സ്പൂണ്‍
പഞ്ചസാര - ഒരു നുള്ള്‌
വെള്ളം - 1 കപ്പ്‌

തയ്യാറാക്കുന്ന വിധം

ചിക്കനില്‍ ഇഞ്ചി,വെളുത്തുള്ളി,കുരുമുളക്‌ പൊടി,വിനാഗിരി,ഉപ്പ്‌ എന്നിവ ചേര്‍ത്ത്‌ നന്നയി മിക്സ്‌ ചെയ്ത്‌ 1/2 മണിക്കൂര്‍ വെക്കുക.ഒരു പാത്രം അടുപ്പില്‍ വെച്ച്‌ എണ്ണ ചൂടാവുമ്പോള്‍ സവാളയും,കാപ്സിക്കവും അല്‍പ്പം ഉപ്പ്‌ ചേര്‍ത്ത്‌ വയറ്റുക.ഇതിലേക്ക്‌ സോസുകള്‍ ചേര്‍ത്ത്‌ നന്നയി ഇളക്കുക.ഇതിലേക്ക്‌ പഞ്ചസാരയും ചിക്കനും വെള്ളവും ചേര്‍ത്ത്‌ 10 മിനുട്ട്‌ ചെറുതീയില്‍ വേവിക്കുക.കോണ്‍ഫ്ലവര്‍ കുറച്ച്‌ വെള്ളത്തില്‍ കലര്‍ത്തി ചേര്‍ക്കുക.കുറുകിയതിന്‌ ശേഷം അടുപ്പില്‍ നിന്ന് മറ്റാം.ചില്ലി ചിക്കന്‍ തയ്യാര്‍....................

Tuesday, January 13, 2009

എരിശ്ശേരി

ആവശ്യമുള്ള സാധങ്ങള്‍
ചേന ഒരിഞ്ചു കഷണങ്ങള്‍ ആക്കിയത് - 100 ഗ്രാം
നേന്ത്രക്കായ ഒരിഞ്ചു കഷ്ണങ്ങള്‍ ആക്കിയത് - ഒരെണ്ണം

മത്തങ്ങ ഒരിഞ്ചു കഷ്ണങ്ങള്‍ ആക്കിയത് - 100 ഗ്രാം
തേങ്ങ ചിരകിയത് - അരമുറി
മഞ്ഞള്‍പ്പൊടി -അര ടീസ്പൂണ്
വെളുത്തുള്ളി - രണ്ടല്ലി
മുളകുപൊടി -അര ടീസ്പൂണ്‍
ജീരകം - അര ടീസ്പൂണ്‍
കുരുമുളക് -ഒരു ടീസ്പൂണ്
കടുക് - ഒരു ടീസ്പൂണ്
കറിവേപ്പില - രണ്ടു കതിര്
വേ‍റ്റല്‍ മുളക് -3 എണ്ണം
വെളിച്ചെണ്ണ - ഒരു ടേബിള്‍ സ്പൂണ്‍
ഉപ്പ് - പാകത്തി
തയ്യറാക്കുന്നവിധം

നേന്ത്രക്കായ ,ചേന,മത്തന്‍ എന്നിവ കഷ്ണങ്ങള്‍ മഞ്ഞള്‍പ്പൊടിയും ഉപ്പും ചേര്‍ത്ത് കുക്കറില്‍ നന്നായി വേവിക്കുക.തേങ്ങ ചിരകിയതില്‍ നിന്നും ഒരു ടേബിള്‍ സ്പൂണ്‍ മാറ്റി വെച്ചതിനു ശേഷം ബാക്കി കുരുമുളക്,വെളുത്തുള്ളി,ജീരകം എന്നിവ ചേര്‍ത്ത് തരുതരുപ്പായി അരച്ച് വേവിച്ച കഷ്ണങ്ങളില്‍ ചേര്‍ത്ത് നന്നായി തിളപ്പിക്കുക.ഒരു ചീനച്ചട്ടിയില്‍ വെളിച്ചെണ്ണ ഒഴിച്ച് മാറ്റിവെച്ച തേങ്ങാപ്പീര ബ്രൌണ്‍ നിറമാകുന്നതു വരെ മൂപ്പിക്കുക. ഇതിലേക്ക് കടുക്,കറിവേപ്പില ,വറ്റല്‍ മുളക് എന്നിവ ഇട്ടു കടുക് പൊട്ടുമ്പോള്‍, തിളപ്പിചിറക്കി വച്ചിരിക്കുന്ന എരിശ്ശേരിയില്‍ ചേര്‍ക്കുക. എരിശ്ശേരി തയ്യാര്‍......

Thursday, May 1, 2008

whiteചോക്ലേറ്റ്‌ പുഡ്ഡിംഗ്‌

  • ആവശ്യമുള്ളസാധനങ്ങള്‍
    മുട്ട -5
    കോണ്‍ ഫ്ലവര്‍ -3 ടീസ്പൂണ്‍
    ജലാറ്റിന്‍ - 1 1/2 ടീസ്പൂണ്‍
    തണുത്ത വെള്ളം - 1/4 കപ്പ്‌
    ചൂടുവെള്ളം - 1/4 കപ്പ്‌
    പാല്‍ -1കപ്പ്‌
    പഞ്ചസാര - 1കപ്പ്‌
    whiteചോക്ലേറ്റ്‌ -150 ഗ്രാം
    വാനില എസ്സന്‍സ്‌ - 2ടീസ്പൂണ്‍
    Blackചോക്ലേറ്റ്‌ - ചെറിയ പീസ്‌
    തയാറാക്കുന്ന വിധം
    ജലാറ്റിന്‍ തണുത്ത വെള്ളത്തില്‍ കുതിരാന്‍ വെക്കുക।പിന്നീട്‌ ചൂടുവെള്ളവും ചേര്‍ത്ത്‌ നന്നായി അലിയിച്ചെടുക്കുക।കോണ്‍ ഫ്ലവര്‍ കുറച്ച്‌ പാലില്‍ കലക്കുക।മുട്ടയുടെ മഞ്ഞ പഞ്ചസാര എന്നിവ ബാക്കി പാലില്‍ നന്നായി യോജിപ്പിച്ച്‌ തിളപ്പിച്ച്‌ നന്നായി കുറുക്കുക।ഇതിലേക്ക്‌ കോണ്‍ ഫ്ലവര്‍ ചേര്‍ത്ത്‌ ഇളക്കുക।അടുപ്പില്‍ നിന്നും ഇറക്കിയതിന്‌ ശേഷം whiteചോക്ലേറ്റ്‌ ഗ്രേറ്റ്‌ ചെയ്തതും ജലറ്റിനും വാനില എസ്സന്‍സും ചേര്‍ത്ത്‌ നന്നായി യോജിപ്പിക്കുക।തണുത്തതിന്‌ ശേഷം ഒരു ബേക്കിംഗ്‌ tryയിലേക്ക്‌ മാറ്റുക।ഇതിന്റെ മുകളിലായി മുട്ടയുടെ വെള്ള എഗ്ഗ്‌ ബീറ്ററില്‍ നന്നായി പതപ്പിച്ച്‌ ചെറുതായി ഒന്ന് മിക്സ്‌ ചെയ്ത്‌ മുകളില്‍ അല്‍പ്പം Black choclateഗ്രേറ്റ്‌ ചെയ്ത്‌ വിതറുക।ശേഷം ഫ്രിഡ്ജില്‍ വെച്ച്‌ നന്നായി തണുപ്പിച്ച്‌ ഉപയോഗിക്കാം।

Wednesday, April 16, 2008

അച്ചാര്‍

  • ഇറച്ചി എല്ലില്ലാതെ(മട്ടന്‍ /ബീഫ്‌) -1/2 കിലോ
  • മുളക്‌ പൊടി -1 1/2 ടീ സ്പൂണ്‍
  • ഉപ്പ്‌ -പാകത്തിന്‌എണ്ണ - വറുക്കാന്‍ ആവശ്യമുള്ളത്‌
  • ഇഞ്ചി ചെറുതായി അരിഞ്ഞത്‌- 3 ടേബിള്‍ സ്പൂണ്
  • ‍വെളുത്തുള്ളി ചെറുതായി അരിഞ്ഞത്‌ - 3 ടേബിള്‍ സ്പൂണ്‍
  • വിനാഗിരി -6 ടേബിള്‍ സ്പൂണ്‍
  • ‍വെള്ളം -1/4 കപ്പ്‌
തയ്യാറാക്കുന്ന വിധം
പൊടിയായി അരിഞ്ഞ ഇറച്ചി മുളക്‌ പൊടിയും ഉപ്പും ചേര്‍ത്ത്‌ കുക്കറില്‍ വേവിക്കുക।ഒരു പാത്രത്തില്‍ എണ്ണ ഒഴിച്ച്‌ ചൂടാവുമ്പോള്‍ വെളുത്തുള്ളി ഇഞ്ചി,പച്ചമുളക്‌ എന്നിവ വരുത്ത്‌ കോരുക।ഇതേ എണ്ണയില്‍ തന്നെ ഇറച്ചിയും വരുത്ത്‌ കോരുക।മുളക്‌ പൊടി വിനാഗിരിയും തിളപ്പിച്ച്‌ ആറിയ വെള്ളവും ചേര്‍ത്ത്‌ മിക്സ്‌ തയ്യാറാക്കി നെരത്തെ ബാക്കിവന്ന എണ്ണയില്‍ നന്നായി മൂപ്പിച്ച്‌ ശേഷം നേരത്തെവറുത്ത്‌ വെച്ച ഇറച്ചി,ഇഞ്ചി,വെളുത്തുള്ളി,പച്ചമുളക്‌ ഇവ നന്നയി മിക്സ്‌ ചെയ്ത്‌ തിളപ്പിച്ചാറിയ വെള്ളവും ചേര്‍ക്കുക।തണുത്ത്‌ കഴിഞ്ഞാല്‍ പാത്രത്തിലേക്ക്‌ മാറ്റി സൂക്ഷിക്കാം।അച്ചാര്‍ തയ്യാര്‍......

Wednesday, April 2, 2008

ബട്ടര്‍ കേക്ക്‌

ആവശ്യമുള്ള സാധനങ്ങള്

‍മൈദ - 2 1/2 കപ്പ്‌
ബട്ടര്‍ - 200 ഗ്രാം
മുട്ട - 4 എണ്ണം
പൊടിച്ച പഞ്ചസാര - 1 1/2 കപ്പ്‌
ബേക്കിങ്ങ്‌ പൗഡര്‍ - 1/2 ടീ സ്പൂണ്‍
‍വാനില എസ്സന്‍സ്‌ - 1 ടീ സ്പൂണ് ‍
ചെറുനാരങ്ങ നീര്‌ - 1 ടീ സ്പൂണ്

‍തയ്യാറാക്കുന്ന വിധം

ബട്ടറും പഞ്ചസാരയും നന്നായി മിക്സ്‌ ചെയ്യുക. എഗ്ഗ്‌ ബീറ്ററോ സ്പൂണോ വെച്ച്‌ നന്നായി മിക്സ്‌ ചെയ്യുക. ഇതിലേക്ക്‌ മുട്ട ഓരോന്നായി ചേര്‍ത്ത്‌ വീണ്ടും യോജിപ്പിക്കുക. വീണ്ടും മൈദ,വാനില എസ്സന്‍സ്‌ ,നാരങ്ങാനീര്‌ ഇവയും കൂടി ചേര്‍ക്കുക.ഇപ്പോള്‍ കേക്കിനുള്ള ബാറ്റര്‍ റെഡ്ഡിയായി...ഇത്‌ ഓവനിലോ ആവിയിലോ വെച്ച്‌ വേവിച്ച്‌ എടുക്കാം....

Monday, March 17, 2008

നെയ്മീന് വറ്റിച്ചു വെച്ചത്

ആവശ്യമുള്ള സാധനങ്ങള്‍:-
1. നെയ്‌മീന്‍ ഒരു കിലോ
2. ഇഞ്ചി അരച്ചത്‌ ഒരു ടീസ്‌പൂണ്‍
3. വെളുത്തുള്ളി അരച്ചത്‌ ഒരു ടീസ്‌പൂണ്‍
4. സവാള അരച്ചത്‌ ഒരു എണ്ണം
5. മുളകുപൊടി ഒരു ടീസ്‌പൂണ്‍
6. മഞ്ഞള്‍പൊടി കാല്‍ ടീസ്‌പൂണ്‍
7. ഏലക്കായ ചതച്ചത്‌ രണ്ട്‌ എണ്ണം
8. ഗ്രാമ്പൂ മൂന്ന്‌ എണ്ണം
9. വെളിച്ചെണ്ണ കാല്‍ കപ്പ്‌
10. തക്കാളി അരിഞ്ഞത്‌ അര കപ്പ്‌
11. വറ്റല്‍മുളക്‌ തരുതരുപ്പായി അരച്ചത്‌ 10 എണ്ണം
12. ഉപ്പ്‌ പാകത്തിന്‌
13. പുളി പിഴിഞ്ഞത്‌ (നല്ല കട്ടിയില്‍) രണ്ട്‌ ടീസ്‌പൂണ്‍
14. കറിവേപ്പില, മല്ലിയില ആവശ്യത്തിന്‌

തയ്യാറാക്കുന്ന വിധം:-

എണ്ണ ചൂടാവുമ്പോള്‍ ഗ്രാമ്പുവും ഏലക്കായും ഇടുക. മൂത്ത മണം വരുമ്പോള്‍ മുളക്‌ അരച്ചതിട്ട്‌ വഴറ്റണം. വീണ്ടും മൂത്ത മണം വുരമ്പോള്‍ രണ്ട്‌ മുതല്‍ ആറ്‌ വരെയുള്ള ചേരുവകളും കൂട്ടത്തില്‍ അരിഞ്ഞുവെച്ച തക്കാളിയും കൂടി ചേര്‍ത്ത്‌ വീണ്ടും വഴറ്റി മൂപ്പിക്കണം. അതിനുശേഷം ഒന്നര കപ്പ്‌ വെള്ളം രണ്ട്‌ ടീസ്‌പൂണ്‍ പുളി എന്നിവ കൂടി ഇതിലൊഴിച്ച്‌ തിളപ്പിക്കണം. പാകത്തിന്‌ ഉപ്പും ചേര്‍ത്ത്‌ തിള വന്നു കഴിഞ്ഞാല്‍ മീന്‍ കഷ്‌ണങ്ങള്‍ ഈ അരപ്പില്‍ നിന്ന്‌ പാത്രം അടച്ചിട്ട്‌ വേവിക്കണം. ഒടുവില്‍ വെള്ളം വറ്റി മീനില്‍ അരപ്പ്‌ പൊതിയുന്ന പാകത്തിന്‌ മല്ലിയിലയും കറിവേപ്പിലയും കൂടി ചേര്‍ത്ത്‌ പാത്രം അടുപ്പില്‍ നിന്നും വാങ്ങിവെക്കുക.

Monday, February 18, 2008

മുറുക്ക്

മുറുക്ക്

ആവശ്യമുള്ള സാധനങ്ങള്‍
പച്ചരി - 1Kg
ഉഴുന്ന്‌ - 1/4 Kg
നെയ്‌ - 100 ഗ്രാം
വെളിച്ചെണ്ണ - 1/2 L
ഉപ്പ്‌ - 2 ടീസ്‌പൂണ്‍
കായം - നാലിലൊന്ന്‌ സ്‌പൂണ്‍

തയ്യാറാക്കുന്ന വിധം:

പച്ചരി പൊടിച്ചെടുക്കുക. ഉഴുന്ന്‌ തൊലി കളഞ്ഞ്‌ വറത്തു പൊടിക്കുക. കായം, ജീരകം ഇവ പൊടിച്ചെടുത്തതിനോട്‌ അരിപ്പൊടി, ഉഴുന്നുപൊടി, നെയ്യ്‌ ഇവ ചേര്‍ത്ത്‌ നന്നായി കുഴച്ചുവക്കുക. എണ്ണ അടുപ്പത്തുവെച്ച്‌ തിളക്കുമ്പോള്‍ പൊടികള്‍ കുഴച്ചത്‌ മുറുക്കു നാഴിയിലിട്ട്‌ ഞെക്കി എണ്ണയില്‍ വീഴ്‌ത്തുക. മൂക്കുമ്പോള്‍ ചുവന്ന നിറം വരും. അപ്പോള്‍ കോരി എടുക്കുക.

Wednesday, January 2, 2008

നാടന്‍ താറാവ്‌ കറി

ആവശ്യമുള്ള സാധനങ്ങള്‍

  • താറാവ്‌ ഇറച്ചി -1 കിലോ
  • ചെറിയ ഉള്ളി - 10 എണ്ണം
  • ഇഞ്ചി - 1 വലിയ കഷ്ണം
  • വെളൂത്തുള്ളി -10 എണ്ണം
  • കുരുമുളക്‌ - 1 ടീ സ്പൂണ്
  • ‍പെരുജീരകം പൊടിച്ചത്‌ - 1 ടീ സ്പൂണ്
  • ‍സവാള - 1 എണ്ണം
  • തക്കാളി - 2 എണ്ണം
  • മഞ്ഞള്‍ പൊടി - 1/4 ടീ സ്പൂണ്‍
  • മുളക്‌ പൊടി -1ടീസ്പൂണ്
  • ‍തേങ്ങാപാല്‍(ഒന്നാം പാല്‍) - 1 കപ്പ്‌
  • തേങ്ങാപാല്‍(രണ്ടാം പാല്‍) - 2 കപ്പ്‌
  • കറിവെപ്പില -2 തണ്ട്‌

തയാറാക്കുന്ന വിധം
ഒരു പാത്രം അടുപ്പില്‍ വെച്ച്‌ തേങ്ങാപാലില്‍(രണ്ടാം പാല്‍) ഇറച്ചി,മുളക്‌ പൊടി മഞ്ഞള്‍ പൊടിയും ഉപ്പും ചേര്‍ത്ത്‌ വേവിക്കുക. ശേഷം ചെറിയുള്ളി,ഇഞ്ചി,വെളുത്തുള്ളി,പച്ചമുളക്‌,കുരുമുളക്‌ എന്നിവ ചതച്ചത്‌ ചേര്‍ക്കുക.പെരുജീരകം പൊടിച്ചത്‌ ചേര്‍ക്കുക. കറി നന്നായി തിളച്ചതിന്‌ ശേഷം സവാള,തക്കാളി , എന്നിവ ചേര്‍ത്ത്‌ നന്നായി തിളപ്പിക്കുക.അവസാനമായി തേങ്ങാപാലും കറിവേപ്പിലയും ചേര്‍ത്ത്‌ ഇറക്കി വെക്കാം.
.::.താറാവ്‌ ഇറച്ചിക്ക്‌ പകരം ചിക്കന്‍ ഉപയോഗിച്ച്‌ തയാറാക്കാം........

Friday, November 16, 2007

കുക്കീസ്‌


ആവശ്യമുള്ള സാധനങ്ങള്

‍മൈദ - 100ഗ്രാം
പഞ്ചസാര - 100 ഗ്രാം
നിലക്കടല -100 ഗ്രാം
ബട്ടര്‍ -50 ഗ്രാം
മുട്ട - 2
സോഡാപൊടി - ഒരുനുള്ള്‌
ഉപ്പ്‌ -ഒരുനുള്ള്‌
വാനില എസ്സന്‍സ്‌ - 1 ടീ സ്പൂണ്

തയ്യാറാക്കുന്ന വിധം

മൈദായും സോഡാപൊടിയും ഒരുനുള്ള്‌ ഉപ്പും നന്നായി മിക്സ്‌ ചെയ്യുക. ഇതിലേക്ക്‌ പൊടിച്ച പഞ്ചസാരയും വെണ്ണയും ചേര്‍ത്ത്‌ നന്നായി ഇളക്കുക. ഒരു പാത്രത്തില്‍ മുട്ട ഉടച്ച്‌ നന്നായി ബീറ്റ്‌ ചെയ്യുക.ഇതിലേക്ക്‌ ആദ്യം തയ്യാറാക്കിയ മൈദാചേര്‍ത്ത മിശ്രിതം കുറച്ച്‌ കുറച്ചായി ചേര്‍ക്കുക.ഇതിലേക്ക്‌ തരുതരുപ്പായിപൊടിച്ച നിലക്കടലയും വാനില എസ്സന്‍സും ചേര്‍ത്ത്‌ നന്നാീയി യോജിപ്പിക്കക.ഇത്‌ ഒരു മണിക്കൂര്‍ ഫിഡ്ജില്‍ താഴെ വെച്ച്‌ ഈര്‍പ്പം മാറാന്‍ വെക്കുക.ശേഷം ഇതില്‍നിന്നും കുറച്ച്‌ എടുത്ത്‌ ചെറിയ ചെറിയ ഉരുളകളാക്കി ഒരു ബേക്കിംഗ്‌ try യില്‍ ബട്ടര്‍ പേപ്പര്‍ വിരിച്ച്‌ അതില്‍ വെക്കുക.അത്‌ ചെറുതായൊന്ന് പ്രസ്സ്‌ ചെയ്ത്‌ 180 ഡിഗ്രി ചൂടില്‍ 8 മിനുട്ട്‌ ഇലക്ട്രിക്ക്‌ ഓവനില്‍ ബേക്ക്‌ ചെയ്ത്‌ എടുക്കാം....കുക്കീസ്‌ റെഡ്ഡി.....